Enviroment and Sanitaion

UTUNZAJI NA USIMAMIZI WA MAZINGIRA

Idara ya Mazingira na udhibiti wa taka ngumu katika Halmashauri ya Wilaya ya Babati hushirikiana idara zingine kutekeleza shughuli mtambuka zinazohusiana na utunzaji na usimamizi wa mazingira pamoja na udhibiti wa taka ngumu

1.1.Misitu ya Asili na upandaji miti

Katika eneo la Halmashauri ya Wilaya ya Babati,kuna aina 2 za Misitu, ambazo ni misitu ya Hiafadhi ya Taifa na Misitu ya Vijiji. Misitu ya hifadhi ya Taifa ni  4 ambayo ni Msitu wa Bereko, Haraa, Ufiome na Msitu wa Nou.

Eneo lote la misitu katika mamlaka ya Halmashauri ya Wilaya , linakadiriwa kuwa ni hekta 80,000.  Kati ya hizo, hekta 25,871 ni misitu ya Hifadhi ya Taifa ambayo iko chini ya usimamizi wa Wakala wa Misitu Tanzania (TFS) kwa kushirikisha jamii inayozunguka misitu hiyo. Jumla ya hekta 54,129 ni misitu iliyoko katika maeneo ya vijiji na inasimamiwa na vijiji husika. Miti ya asili inayopatikana katika misitu hiyo ni miti aina ya miombo ambayo inafaa kwa shughuli za ufugaji nyuki. Mbinu inayotumiwa na Halmashauri ya Wilaya ya Babati katika utekelezaji wa kampeni ya upandaji miti ni ushirikishwaji Jamii katika zoezi zima la kuikuza katika vtalu,kuipanda na pia kuitunza miti.  Katika utaratibu huu ,Halmashauri inachangia  nyenzo na ushauri wa kitaalam kwa watu wenye vitalu vya kaya, taasisi, vikundi na vitalu vya vijiji, ili wahusika wenyewe waweze kukuza  miche ya miti katika vitalu vyao na kuipanda katika maeneo.  Kila mwaka, lengo ni kupanda miti 1,500,000 na utekelezaji wake pamoja na kustawi kwa miti inayopandwa ni kati 70% hadi 85% kutegemeana na hali ya hewa ya mwaka husika.   

1.2. Usafi wa Mazingira na udhibiti wa Taka ngumu na

Halmashauri ya Wilaya ya Babati inatekeleza sheria na. ya kufanya usafi wa mazingira kila jumamosi ya mwisho wa mwezi katika kata zote 25 zilizoko katika mamlaka ya Halmashauri ya Wilaya. Kila Jumamosi ya mwisho wa mwezi, viongozi na watendaji ngazi ya kata husimamia na kukagua usafi wa mazingira katika maeneo mbalimbali ndani ya kata ikiwa ni pamoja na maeneo ya wazi,maeneo ya biashara, mazingira ya ofisi,minada na maeneo ya magulio. Maelekezo kwa kila kaya ni kufanya usafi wa mazingira kila Jumamosi licha ya kushiriki  zoezi la jumla la mwisho wa mwezi. Aidha Mkurugenzi Mtendaji wa Halmashauri ya Wilaya amefungua jalada maalum la usafi wa mazingira wa kila mwezi kwa ajili ya kuhifadhi taarifa za usafi wa mazingira za Kata kwa ajili ya uhakiki na ukaguzi wa kushutukiza katika maeneo yanayotolewa taarifa. Halmashauri pia inao mpango wa muda mrefu wa  wa kujenga vizimba vya kudhibiti taka ngumu na kuanisha maeneo ya madampo yasiyopungua eka moja kwa kila eneo katika makao makuu ya Kata zenye idadi kubwa ya watu na zinaokua haraka kuelekea miji midogo. Kwa mwaka wa fedha 2016/17 Halmashauri ilitenga fedha kutokana na mapato ya ndani, na kuwezesha ujenzi wa vizimba 2 katka kata za Gallapo na Dareda na hivyo kuwa na jumla ya vizimba 3 na maeneneo yaliyoainishwa rasmi kama madampo ya kutupa taka ngazi ya Kata.

1.3 Shughuli nyingine za utekelezaji sheria Na.20 ya usimamizi wa mazingira mwaka 2004

Shughuli nyingine za mazingira zinazofanyika ni pamoja na:

• Kuanisha na kutenga maeneo ya vyanzo vya maji na kuviwekea utaratibu wa utunzaji kwa kushirikisha jamii.
• Kuelimisha wakulima kuhusu kilimo kinacho zingatia hifadhi ya mazingira ikiwa ni pamoja na uzuiaji wa makorongo katika maeneo ya kilimo
• Kuunda nakutoa mafunzo kwa kamati za vijiji zinazosimamia mazingira , kuhusu majukumu yao katika kusimamia mazingira
• Kuwezesha vijiji kuandaa mpango shirikishi wa usimamizi wa mazingira pamoja na sheria ndogo ambazo hutumiwa na Halmashauri za vijiji kwa ajili ya kudhibiti makosa ya uharibifu na uchafuzi wa mazingira.
• Kufuatilia utekelezaji wa sheria ya tathimini ya athari kwa mazingira katika miradi ya uwekezaji inayofanyika ndani ya mamlaka ya halmashauri ya Wilaya
• Kuendesha  mashindano ya kampeini ya usafi wa mazingira, ikiwa ni pamoja na kuhimiza ujenzi wa vyoo na kuvitumia

       2.0 Changamoto.

• Pamoja na jitihada zinazofanyika usimamizi na uboreshaji wa mazingira, bado kuna vitendo vya binadamu vinavyofanyika   katika baadhi ya maeneo ya  Halmashauri na kusababisha changamoto za kimazingira ambazo  ni pamoja na;
• Kupotea au kupungua kwa Bionuai ya asili katika misitu yetu

Fig 1. Uvunaji holela wa misitu    

 Fig 2. Uchungaji holela wa mifugo

• Ardhi inayotumika kwa kilimo kupoteza rutuba
• Taka ngumu hususani  aina ya plastiki bado ni tatizo katika maeneo ya mbalmbali na zaidi katika maeneo ya biashara kama vile minada na magulio.
• Kutoweka,kuingiliwa au kuchafuliwa kwa vyanzo vya maji
• Madhara mengine yatokanayo na mabadiliko ya tabianchi kama vile ukame na mafurukio
• Ili kukabiliana na changamoto hizi, pamoja na jitihada zilizokwisha tajwa Halmashauri ya Wilaya inafanya yafuatayo:
• Kufanya ukaguzi na ufuatiliaji wa mara kwa mara katika maeneo lindwa kisheria na kuchukua hatua zinazostahili kwa wavunja sheria za mazingira.
• Kuendelea na utoaji elimu ya ufugaji bora ili kupunguza athari za kimazingira zitokananazo na  uchungaji huria
• Kudhibiti uingizaji holela wa mifugo katika maeneo ya Halmashuri ya Wilaya kupitia Halmashauri za vijiji
• Kuhimiza upandaji wa miti ya asili yenye uwezo wa kuhimili hali ya hewa katika maeneo
• Kushirikiana na wadau wengine wa mazingira hususan mashirika yasiyokuwa ya kiserikali yanayosaidia masuala ya mazingira katika Halmashauri.