Baraza jipya la Madiwani Liwe Chachu ya Maendeleo-RC Mkirikiti

Posted on: December 12th, 2020

Mkuu wa Mkoa wa Manyara Mhe Joseph Mkirikiti  amesisitiza Madiwani na Watumishi wa  Halmashauri ya Wilaya ya Babati kufanya kazi kwa pamoja,kujituma na kushirikiana ili kuwaletea maendeleo Wananchi wa Halmashauri ya Wilaya ya Babati . Mh. Mkuu wa Mkoa ameyasema hayo leo katika  Mkutano wa ufunguzi wa Baraza jipya la Halmashauri ya Wilaya ya Babati lililofanyika Leo Makao Makuu -Dareda " Nyinyi Madiwani bebeni hoja za Wananchi ili zijadiliwe kwenye Baraza na si Hoja za Mtu binafsi", amesisitiza Kiongozi huyo.Kila mnachokifanya kifanye kwa niaba ya Wananchi  na Chama cha Mapinduzi kilichopo Madarakani. Aidha amewapongeza Waheshimiwa Madiwani wote kwa kuchaguliwa  na kuwashukuru Wananchi wote  na Viongozi wa Dini kwa kuliombea Taifa.