Baraza la Wafanyakazi Lapitisha Bajeti 2018/2019

Posted on: January 2nd, 2019

Mkurugenzi Mtendaji wa Halmashauri ya Wilaya ya Babati Ndg Hamisi Malinga amewataka  Watumishi na Viongozi wa Vyama vya wafanyakazi wasiogope kufika ofisini kwake wakati wowote endapo wamekutana na changamoto katika kutekeleza shughuli za serikali.Mkurugenzi Mtendaji ameyasema hayo  leo kwenye kikao  Maalum cha Baraza la Wafanyakazi Halmashauri ya Wilaya ya Babati kilichofanyika katika Ukumbi wa Halmashauri ya Wilaya ya Babati." Ofisi yangu iko wazi wakati wote kiongozi au mtumishi anakaribishwa kuleta ushauri,au changamoto na atasikilizwa" amesisitiza kiongozi huyo.Baraza la wafanyakazi pamoja na mambo mengine limepitia makisio ya mpango na Bajeti ya Halmashauri ya Wilaya  kwa mwaka 2019/2020 na kupitisha makadirio ya Tsh 42,465,387,164.34 ikiwa ni Mapato ya ndani,Matumizi ya kawaida (0C),  Mishahara na Miradi ya Maendeleo ili yaendelee kujadiliwa katika ngazi zinazofuata ili kupata bajeti nzuri itakayokidhi mahitaji ya wananchi wa Halmashauri ya Wilaya ya Babati .