Bei ya Sukari Isizidi Tsh 2700/-

Posted on: April 30th, 2020

Mkuu wa Wilaya ya Babati Mhe Elizabeth Kitundu ameagiza Afisa Biashara,Watendaji wa Kata na Vijiji kuendelea kufuatilia Wafanyabiashara wanaouza sukari tofauti na bei elekezi ya Tsh 2700   kuwakamata  kuwapeleka katika Vyombo vya sheria . Hayo ameyasema leo kwenye Mkutano wa Baraza la Madiwani la H/Wilaya ya Babati liliofanyika makao Makuu ya Halmashauri Kata ya Dareda "Nimepokea malalamiko kutoka kwa baadhi ya Wananchi  juu ya Wafanyabiashara kuuza sukari  kwa bei ya juu kuliko maelekezo ya serikali, hivyo naagiza watendaji ngazi ya Vijiji kupita na kuwakamata Wafanyabiashara  wanaoenda kinyume na maagizo ya Serikali." Amesisitiza kiongozi huyo. Wakati huo huo amewaomba wananchi wanaoishi karibu na Mbunga za Wanyama  kutochukua sheria ya kuuwa Wanyama wanaotoka hifadhi za Wanyama kutokana na Mafuriko bali watoe  taarifa  ofisi za Mkurugenzi na Hifadhi ili kupata njia nzuri za kuwaondoa  na kuwarudisha hifadhini.