DC Twange wananchi waendelee kuhamasishwa kuhusu Sensa

Posted on: August 4th, 2022

Mkuu wa Wilaya ya Babati Mhe. Lazaro Twange amewaomba madiwani wa Baraza la Madiwani  H/Wilaya ya Babati kuendelea kuhamasisha na kuwajulisha wananchi umuhimu wa sensa katika maeneo yao. Mhe. Twange ambaye pia ni mwenyekiti wa kamati ya Sensa Wilaya ya Babati  ameyasema hayo leo wakati akitoa taarifa ya serikali kwenye Baraza la Madiwani wa H/ Wilaya ya Babati lililofanyika ktk jengo jipya la H/ Wilaya kijiji cha Endasago Kata ya Arri " Madiwani ni wenyeviti wa kamati ya Sensa   katika kata zao hivyo wanajukumu la kuhakikisha wanahamasisha wananchi" amesisitiza kiongozi huyo"Aidha amewaomba Madiwani kuhakikisha zoezi hilo linapita kwa amani na  na usalama kwa kuhakikisha  wanatoa taarifa za uwepo wa viashiria vyote vya kupinga zoezi hili pamoja na kuwasaidia makarani kufanya kazi yao kwa ufanisi ktk maeneo yote ya kata.