Fedha za EP4R Kumalizia Ujenzi wa Madarasa

Posted on: April 12th, 2019

Mkuu wa Mkoa wa Manyara Mhe. Alexander Mnyeti amesisitiza kuwa fedha zote zilizoletwa na Serikali kwa Mpango wa Elimu wa Kulipa kulingana na Matokeo(EP4R) zitumike kukamilisha  madarasa  yaliyoanzishwa na Wananchi na si vinginevyo. Mhe. Mkuu wa Mkoa ameyasema hayo  leo kwa nyakati tofauti wakati akitembelea na kukagua umaliziaji wa Maboma ya Madarasa ktk Shule za Sekondari za Kiru ,Gichameda na Matufa zilizoka ktk Halmashauri ya Wilaya ya Babati "Fedha hizi zimeletwa kusaidia jitihada za jamii kukamilisha madarasa yaliyanzishwa na wananchi zitumike kwa lengo lililokusudiwa na kwa wakati." amesisitiza  Mkuu wa Mkoa  .Aidha amewaagiza Watendaji wa Vijiji na Kata kutoa taarifa ya Mapato na Matumizi kwa wakati."Watendaji someni  taarifa ya Mapato na matumizi kwa Wananchi  ya fedha za zote zilizochangwa na Wananchi na fedha iliyoletwa na Mhe Rais. Amesisitiza Mhe. Mkuu wa Manyara.