Halmashauri ya Wilaya ya Babati yapanga kukusanya Tsh.46,644,001,298 kwa mwaka wa fedha 2018/2019.

Posted on: January 22nd, 2018

Halmashauri ya Wilaya ya Babati  imekisia  kukusanya  Kiasi cha Tsh. 46,644,001,298  kwa mwaka 2018/2019  kutoka vyanzo vya ndani,Ruzuku ya matumizi mengineyo,(OC), Mishahara ya Watumishi (PE) na kiasi cha Tsh 11,929,209,510 ni fedha za miradi ya Maendeleo.Akiwasilisha Mpango na Bajeti kwa mwaka 2018/2019 kwenye  Kikao Maalum cha Baraza la Madiwani Mkurugenzi Mtendaji wa Halmashauri ya Wilaya ya Babati. Ndg, Hamisi Idd Malinga, amesema,fedha nyingi kwa mwaka wa fedha 2018/2019 zinategemewa kupelekwa kwenye miradi ya maendeleo Vijijini Akichangia Bajeti hiyo, Mkuu wa Wilaya ya Babati Mhe. Raymond Mushi amesisitiza fedha zitengwe kwa ajili ya kuhamasisha wananchi na Wawekezaji kujenga Viwanda ambayo ni Sera na Mkakati wa Serikali ya awamu ya Tano. Wajumbe wa kikao hicho,wakichangia bajeti hiyo wamesisitiza miradi yote iliyotengewa fedha kwenye bajeti ya mwaka 2017/2018 iendelee kutengewa fedha  kwa mwaka 2018/2019 mpaka ikamilike  na kuanza kutoa huduma.