Makundi Maalum Yatangaziwa Kuomba Mikopo Isiyo na Riba

Posted on: July 27th, 0202

Mkurugenzi Mtendaji wa H/Wilaya ya Babati Ndg Anna Mbogo  anavitangazia Vikundi vya Wanawake, Vijana na Watu wenye ulemavu mikopo  isiyo na riba ya asilimia 10 inayotolewa na H/ Wilaya. Kwa mwaka wa fedha 2022/2023 H/Wilaya ya Babati  imetenga fedha za Mapato ya ndani ya 10% kiasi cha Tsh  256,000,000/ kwa ajili ya kukopesha makundi hayo. Kwa mujibu wa tangazo lililotolewa tarehe 25/7/2022 na Mkurugenzi  kwenda kwa Watendaji kata na vijiji inaelekeza  usajili na kutuma maombi unafanyika kwenye mfumo wa Electronic wa TPLMIS (https:mikopohalmashauri.tamisemi.go.tz/login unaweza kutumia simu janja au komputa kuingia kwenye mfumo huo mahali na wakati wowote. Mkurugenzi Mtendaji amelekeza vikundi vya Wanawake,Vijana na watu wenye ulemavu kuanza sasa kutuma maombi kupitia mfumo huo. Mahitaji mengine ni kikundi kiwe na Email Address, kila mwanakikundi awe na namba za NIDA, namba ya simu, kikundi  kiwe na Akaunt Bank. Wanavikundi wanasisitizwa kufika ofisi za Maendeleo ya jamiii zilizopo kwenye tarafa/kanda za Bashnet,Gorowa,MbugweAyalagaya na Babati au ofisi za kata kupata msaada zaidi wa kuomba mikopo ya Asilimia 10 isiyo na riba