Mkurugenzi aagiza Wakuu wa Vituo na Zahanati wasibague wagonjwa kisa CORONA

Posted on: March 25th, 2020

Mkurugenzi Mtendaji wa Halmashauri ya Wilaya ya Babati Ndg Hamisi Iddi Malinga ameagiza  Wakuu wa Vituo na Zahanati  kutoa huduma kwa ufanisi  kwa Wananchi wote bila ubaguzi wowote hasa katika kipindi hiki  dunia inapopambana na ugongwa hatari  wa CORONA.Hayo ameyasema leo kwenye Kikao kazi cha wakuu wa Vituo na Zahanati wa Halmashauri ya Wilaya ya Babati kilichofanyoka Katika Ukumbi wa Halmashauri Mjini Babati."Msiwabague Wananchi kisa CORONA,toeni huduma nzuri kwa wananchi wote" amesisitiza Kiongizi huyo. Aidha Mkurugenzi Mtendaji amewashukuru Viongozi wa wa Chama cha Wafanyakazi wa Serikali za Mitaa (TALGWU) kwa kushirikiana na Idara ya Afya ya Halmashauri ya Wilaya ya Babati kwa kuandaa kikao kazi hicho,”TALGWU mkoa wa Manyara mmekua mfano wa kuigwa, tumekua tukishirikiana pamoja katika kulinda na kutatua changamoto za watumishi wetu hasa kwa kipindi hiki kigumu cha ugonjwa hatari wa CORONA, Katibu wa TALGWU mkoa wa Manyara Ndg. Ndulila Pandauyage amewashukuru Mkurugenzi Mtendaji na Mganga Mkuu wa Wilaya kwa kutoa ushirikiano kukubali kushiriki pamoja kutoa Elimu kwa watumishi wa Afya kwani kazi ya chama ni kuhakikisha watumishi wanafanya kazi katika mazingira yasiyohatarisha afya za watumishi.Mjumbe wa Kamati  Tendaji Taifa wa TALGWU Mkoa wa Manyara Ndg Devotha Mbonamasabo amewasisitiza watumishi wenzake kufata kanuni,sheria na miongozo mbalimali ya utumishi wa umma,  kusikiliza kwa makini na kufuata maelezo mbalimbali yanayotolewa kujikinga na kuwakinga wagomjwa wanaowahudumia kwani wenyewe ndio wanaotegemewa katika kutoa elimu katika vituo vyao vya kazi kujikinga na ugonjwa hatari wa CORONA