Mkurugenzi Aanzisha Kampeni ya Upandaji Miti

Posted on: November 17th, 2023

Mkurugenzi Mtendaji wa H/ Wilaya ya Babati Anna Mbogo ameanzisha Kampeni ya Kupanda miti kwa kila taasisi zake ili kufikia lengo la kupanda miti 1,500,000 kwa mwaka." Naagiza taasisi zote shule za Msingi, Sekondari, ofisi za vijiji na kata, vituo vya afya , zahanati, kupanda miti kuanzia sasa  " amesisitiza kiongozi huyo. Akiwa anakagua  leo upandaji miti katika  eneo la Makao ya H/ Wilaya ameagiza Afisa Misitu kuhakikisha miche ya miti inaandaliwa haraka na inapandwa katika kipindi hiki cha mvua. Aidha ameomba wananchi nao wanaotaka kupanda miti wafike Halmashauri wamuone Afisa Misitu kwa ajili ya kupata miche ya miti.