Mwekezaji wilayani Babati arejesha Ardhi ya Ekari 1,098 kwa Wananchi

Posted on: December 4th, 2017

Mwekezaji anayemiliki  Kampuni ya Republic Body Builders amerudisha shamba lake lenye ekari 1,098 kwa wananchi wa Kijiji cha Shaurimoyo kata ya Kisangaji Tarafa ya Mbugwe, Wilayani Babati  Mkoa wa  Manyara na kumaliza mgogoro kati yake na Wananchi wa Kijiji hicho uliodumu zaidi ya miaka 20.Shamba hilo lenye hati Na. 3264 Unit Na 2 limerudishwa kwa Wananchi  kupitia Mkutano hadhara uliofanyika katika Kijiji hicho na kudhuliwa na umati wa wananchi, Diwani,Mkurugenzi Mtendaji  Ndg. Hamisi Malinga na Mwekezaji wa Kampuni hiyo.Kumalizika kwa Mgogoro huo ni jitihada za   Mkuu wa Wilaya Mhe. Raymond Mushi na Mkurugenzi Mtendaji wa Halmashauri ya Wilaya ya Babati Ndg Hamisi Malinga wa kutatua kero na Migogoro ya Wananchi wa Halmashauri ya Wilaya ya Babati.