Naibu Waziri Asisitiza Elimu kwa Watu Wenye Ulemavu

Posted on: December 6th, 2018

Wazazi wametakiwa kuwapeleka watoto wenye Ulemavu  Shule ili wapate Elimu na ujuzi ili kujipatia kipato  na kuendeleza Maisha yao. Hayo ameyasema  Mhe. Stella Ikupa Naibu Waziri Ofisi ya Waziri Mkuu Kazi, Ajira, Vijana na Watu wenye Ulemavu anayeshughulikia Watu wenye Ulemavu kwa nyakati tofauti alipotembelea kata za Gallapo na Magugu Katika Halmashauri ya Wilaya ya Babati leo na kuongea na Watu wenye Ulemavu. "Wazazi wenye watoto wenye Ulemavu msiwafiche nendeni kwa Viongozi watawapa maelekezo ya kuwapeleka watoto wenye Ulemavu Shule, Msiwafiche," amesisitiza Mhe. Naibu Waziri .Katika Ziara hiyo Mhe Waziri amesisitiza Watu wenye Ulemavu  kuunda vikundi ili waweze kukopesheka na fedha zitolewazo na Halmashauri kutoka mapato ya ndani za asilimia 2.Katika ziara hiyo amesikiliza kero za wananchi hasa Watu wenye Ulemavu na kuzitatua na Kusisitiza Viongozi wa Halmashauri ya Wilaya ya Babati kwenda ngazi ya chini kutatua kero na Changamoto zinazowakabili watu wenye Ulemavu.