Naibu Waziri TAMISEMI Awashukuru Wananchi wa Kata ya Mwada

Posted on: February 20th, 2023

Naibu waziri Ofisi ya Rais TAMISEMI  Mhe . Festo  Dungange   amewashukuru Wananchi wa Kata ya Mwada  Wilaya ya Babati Kwa kutoa ardhi yenye hekari 70 Kwa ajili ya Ujenzi wa Hospitali ya Wilaya ya Babati . Mhe.  Dungange  ameyasema hayo leo katika Hospitali  ya Halmashaurui ya Wilaya Mwada.  kwenye ziara yake ya Ukaguzi wa Miradi. " Nawashukuru Wananchi Kwa kutoa ardhi ya hekari 70 Kwa ajili ya ujenzi wa Hospitali , ninachowaomba ardhi ilindwe  isivamiwa na ipimwe ipate hati ya Umiliki" amesisitiza kiongozi huyo . Aidha amepongeza  ubora wa majengo yanayojengwa na thamani ya fedha  iliyotumika katika ujenzi wa majengo ya Hospitali ya H/Wilaya ya Babati. Mhe. Naibu waziri ameagiza  Ujenzi wa Wodi za Baba, Mama ,Watoto  na  nyumba ya Kuhifadhi maiti zikamilike kabla ya tarehe  30/5/2023.  Katika ziara yake ameambatana na Viongozi mbalimbali ambapo Mkuu wa Wilaya ya Babati Mhe. Lazaro Twange ameshukuru Serikali Kwa kutoa fedha ujenzi wa Miradi katika  Wilaya ya Babati na kuaidi maelekezo yote yaliyotolewa yatafanyiwa kazi.