Nyumba na Majengo yote ya Umma Kuwekewa Anwani za Makazi

Posted on: February 5th, 2022

Nyumba na Majengo yote ya Umma  na Taasisi yaliyoko kwenye Vitongoji  yatawekewa namba ya Anwani za Makazi. Akitoa taarifa kwenye Mkutano wa Baraza la Madiwani H/ Wilaya ya Babati Mkurugenzi Mtendaji wa H /Wilaya ya Babati Anna Mbogo amesema serikali imetoa maelekezo kuwa ifikapo mwezi Mei mwaka huu kuwa H/Wilaya ya Babati iwe imetekeleza mpango wa Mfumo wa Anwani za makazi ambapo kila nyumba na majengo ya taasisi yatawekewa namba za Anwani za Makazi. Mkurugenzi huyo amesema mfumo wa Anwani za makazi utakuwa na faida  nyingi za kiuchumi na kijamii ikiwa ni kurahisisha  upatikanaji, utoaji na upelekaji wa huduma za za bidhaa mahali stahiki,kila mtu anayeishi Tanzania atakuwa na Anwani halisi za Makazi na Usajili wa Mali, Biashara, vizazi na Vifo utaboreshwa.Katika Mkutano huo Mkurugenzi Mtendaji amewaomba Wahe. Madiwani kuanza kuhamasisha mpango huo, na Elimu nyingine itapelekwa  vijijini na wataalam wake kuwafundisha na kuwahamasisha wananchi ngazi ya Kijiji na Kitongoji kuanza kutekeleza mpango huo.