Serikali Kujenga Majengo Mapya Kituo cha Afya Gallapo

Posted on: February 20th, 2023

Viongozi na Wananchi wa Kata ya Gallapo H/Wilaya ya Babati wameshauriwa kuongeza eneo la kituo cha Afya Gallapo kutoka ekari 7 za Sasa hadi kufikia ekari 10 na kuendelea ili waweze kujengewa majengo mapya ya Kituo cha Afya Gallapo.   Naibu Waziri  waTAMISEMI Mhe.Festo Dungange  amesema leo ktk kituo Cha Afya  Gallapo Ktk ziara yake ya kukagua Miradi Ktk H/ Wilaya  " kituo hiki nimekifahamu muda mrefu kupitia kwa Mbunge wenu Daniel Sillo na leo nimekuja, katika ukaguzi wangu nimeambiwa kuna ekari 7 naomba muongeze  angalau zifike10 ili Serikali ikileta fedha kujenga majengo ya Kisasa yote yaweze kuenea" amesisitiza kiongozi huyo. Awali akisoma taarifa kwa Naibu Waziri,Mganga Mfawidhi wa kituo hicho Dkt Nemael Sanka ameomba kituo hicho kujengewa majengo mapya na akasisitiza hasa ukamilishaji wa jengo la Upasuaji ambalo limejengwa na Wananchi wa Kata ya Gallapo Kwa kushirikiana na H/Wilaya ya Babati tangu 2019 mpaka Sasa halijakamilika.Mhe. Dungange amewaomba wananchi kuendelea kutoa ushirikiano Kwa Serikali.