Uvunaji wa Maji ya Mvua Kuanza Kutumika Mashuleni

Posted on: August 6th, 2021

Mkuu wa Mkoa wa Manyara Mhe. Charles Makongoro Nyerere ameagiza Halmashauri zote za Mkoa wa Manyara kuwa miundombinu yote ya Shule zinazojengwa iwekewe mifumo  ya kuvuna maji ya mvua kwa ajili ya matumizi ya shule. Kiongozi huyo ameyasema hayo  leo ktk shule ya Sekondari Chief Dodo iliyoko Kata ya Riroda Tarafa ya Gorowa mara baada ya kutembelea na kukagua mradi wa ujenzi wa mabweni mawili ktk shule hiyo kwenye siku ya pili ya ziara yake ktk H/ Wilaya ya Babati. "Shule nyingi zimejenga miundombinu mizuri lakini zina changamoto ya  ukosefu wa Maji, ili kundoa changamoto hizo ni lazima mfumo wa uvunaji maji ya mvua ijengwe" amesisitiza kiongozi huyo.