Wanafunzi wa Darasa la Kwanza na Kidato cha Kwanza Watakiwa Kuripoti Shuleni kwa Wakati

Posted on: February 5th, 2022

Baraza la Madiwani la H/ Wilaya ya Babati limeagiza Watendaji wa Kata na Vijiji , Maofisa Elimu ngazi ya kata, Wakuu wa shule na walimu wakuu kuhakikisha wanafunzi wote sekondari waliochaguliwa kidato cha kwanza na waliondikishwa kuingia darasa la kwanza mwaka huu kuripoti shule  haraka bila kikwazo chochote. Akizungumza kwenye Mkutano wa Baraza  la Madiwani wakati wa kujadili taarifa za Kata, Mwenyekiti wa H/ Wilaya ya Babati  Mhe. John Noya  amesisitiza kila mzazi kuhakikisha anapeleka mtoto shule na kupokelewa bila kikwazo chochote." Sisi H/ Wilaya ya Babati hatuna upungufu wa madarasa  hivyo ni lazima kila mzazi apeleke mtoto shule na apokelewe bila kikwazo chochote" amesisitiza kiongozi huyo na kuagiza serikali ngazi ya kata na Vijiji kusimamia  agizo hilo.