Wananchi wametakiwa kufanya kazi na kushiriki katika shughuli za maendeleo katika Vijiji

Posted on: December 4th, 2017

Mkurugenzi Mtendaji wa Halashauri ya Wilaya ya Babati Ndg Hamisi Iddi Malinga ameitaka jamii kufanya kazi kwa bidii na kushiriki katika shughuli za maendeleo katika maeneo yao ili kujiletea Maendeleo.Hayo yamesemwa na Mkurugenzi huyo wakati alipotembelea ujenzi wa  Madarasa 4, ofisi 2 na choo cha matundu 12  katika  shule  Mpya ya Sekondari ya Matufa. na kuwaahidi kuwapatia Bati za kuezekea jengo hilo bure "Fanyeni kazi kwa bidii kisha kila mmoja ashiriki ujenzi wa madarasa katika shule hii." Mkurugenzi alisistiza. Aidha Mkurugenzi Mtendaji ametembelea ujenzi wa  Hostel ya kidato ya kidato cha tano na ujenzi wa madarasa 2 na ukarabati  wa madarasa 3  kwa ajili ya kidato cha tano na  tatu Shule ya Sekondari Mbugwe iliyoko kata ya Mwada Tarafa ya  Mbugwe na kuwasisitiza  Viongozi   kusimamia ujenzi huo, na wananchi kuendelea kuchangia shule hiyo kwa hali na mali ili Watoto waweze kupata Elimu Bora kwa maisha yao ya Baadae