Madiwani Watakiwa Kuhimiza Wananchi Juu ya UkamilishajI Ujenzi wa Madarasa.

Posted on: October 30th, 2018

Mkuu wa Wilaya ya Babati Mh Elizabeth Kitundu amewataka Wananchi wa Wilaya ya Babati kukamilisha miundombinu ya Ujenzi wa madarasa kabla ya Mwezi desemba 2018 ili watoto wote waliofahulu Mtihani wa darasa la saba Mwaka 2018 waweze  kuingia kidato cha kwanza Januari mwaka 2019. Mkuu wa Wilaya ameyasema hayo leo   kwenye Mkutano wa  Baraza la madiwani la Halmashauri ya Wilaya ya Babati kujadili taarifa za kata uliofanyika katika ukumbi wa Halmashauri ya Wilaya ya Babati "Waheshimiwa Madiwani ni jukumu lenu lá kuhamasisha Jamii ili itoe  michango kukamilisha ujenzi wa madarasa ya kidato cha kwanza katika maeneo yenu" amesisitiza Mkuu wa Wilaya. Mwenyekiti wa Halmashauri ya Wilaya Mhe. Nicodemus Tarmo  naye amewaomba Wahe. Madiwani kwenda kuhamasisha jamii kukamilisha ujenzi wa madarasa hayo kwani jukumu la kujenga miundombinu ya Shule  ni lá Jamii yenyewe.  Aidha Mkuu wa Wilaya ya Babati amewaomba wahe. Madiwani kwenda kuwajulisha Wazazi wa watoto wote walifahulu kuhakikisha wanawasimamia ili waweze kwenda shule kidato cha kwanza mwaka 2019.    Matokeo ya Mtihani wa Darasa la saba mwaka 2018 yaliyotangazwa na Baraza la Mitihani, Halmashauri ya Wilaya ya Babati imefahulisha Kwa asilimia 78.37 na imekuwa  Halmashauri ya 2 Kimkoa kati ya Halmashauri 7 za Mkoa wa Manyara na imeshika nafasi ya 93 Kitaifa kati ya Halmashauri 186 zilizofanya Mtihani wa kumaliza Elimu ya Msingi mwaka 2018.