Wananchi watakiwa kukamilisha vuyumba vya madarasa kwa ajili ya kidato cha kwanza

Posted on: January 3rd, 2018

Mbunge wa Jimbo la Babati Vijiji Mhe. Jitu Soni amewataka wananchi katika jimbo lake kumalizia vyumba vya madarasa ifikapo tarehe 8/01/2018 wanafunzi wote waliopangwa kuanza kidado cha kwanza waingie madarasani Mbunge amesema hayo   wakati wa ziara yake yeye na Mwenyekiti wa Halmashauri ya Wilaya ya Babati Mhe. Nicodemus Tarmo aliyoifanya katika Kata za Mamire, Gallapo Endakiso na Qash kutembelea na kukagua shule za Kata zilizomo kwenye kata hizo. "Fanyeni kazi kwa bidii ili kumaliza ujenzi wa madarasa watoto waingie madarasani ifikapo tarehe  8/01/2017" Mbunge alisisitiza. Aidha wajumbe wa Serikali za vijiji wamesisitizwa kukusanya michango ya ujenzi  kwa kila mwananchi bila kuangalia Cheo au kabila ili kumalizia ujenzi wa madarasa hayo.