Wananchi watakiwa kulipa mapato ya serikali kwa wakati.

Posted on: September 1st, 2022

Halmashauri ya wilaya ya Babati mkoa wa Manyara imeunda timu ya ufuatiliaji mapato ili kuhakikisha vyanzo vyote vilivyokisiwa kwenye bajeti 2022/2023 vinakusanywa ipasavyo na kwa wakati. Mkurugenzi Mtendaji wa H/Wilaya ya Babati Ndg Anna Mbogo  ameunda timu hiyo yenye makundi matatu kupitia vyanzo vyote kwenye vijijji 102  kata 25 kuhakikisha wanakusanya mapato kwa kushirikiana na watendaji wa Vijiji.Timu hiyo inaenda kuongeza nguvu na msukumo mkubwa kwa mawakala  wanaoendelea kukusanya mapato. Kiongozi huyo amesema fedha zitakazo patikana zitasaidia kukamilisha miradi ya Elimu,Afya na kilimo na akaomba wananchi kutoa ushirikiano kwa timu hiyo na kulipa mapato ya serikali kwa wakati. Timu hiyo imeanza kazi kwa kwenda vijijini kukusanya mapato na imeonesha mafanikio makubwa.