Naibu Waziri Aridhishwa na Matumizi ya Tsh 470 Ujenzi Sekondari Sarame

Posted on: February 20th, 2023

Naibu Waziri Ofisi ya Rais TAMISEMI Mhe. Festo Dungange ameridhishwa na ubora   na Matumizi  ya fedha Tsh 470 Million zilizotolewa na Serikali katika ujenzi wa Shule  mpya ya Sekondari Sarame. Mhe. Dungange ameyasema hayo leo Shuleni Sarame Ktk ziara yake ya Ukaguzi wa Miradi ya Maendeleo Ktk H/ Wilaya ya Babati." Nawapongeza sana Viongozi na  Watumishi wa H/ Wilaya ya Babati Kwa ujenzi  na ubora wa majengo Ktk Shule hii ya Sarame, Nimekagua nimeridhika Shule imejengwa Kwa ubora unaotakiwa" amesisitiza kiongozi huyo.Amesema  Halmashauri iendelee kutenga na kutoa fedha Kwa ajili ya ukamilishaji na Wizara itaendelea kumuomba Mhe. Rais ili atoe fedha za kuendeleza ujenzi Mradi huo. Naye Mbunge wa Babati Vijiji Mhe. Daniel Sillo ameomba Shule hiyo ijengewe mabweni kwani watoto wanatoka mbali  na  Barabara kutoka Barabara kuu iendayo Arusha kuelekea katika Shule hiyo itengenezwe. Shule hiyo mpya iliyoka Kata ya Magugu H/ Wilaya ya Babati  inajengwa na  Serikali kupitia mradi wa SEQUIP .